Þakviðgerðir og lekaviðgerðir

Þakviðgerðir – þegar þakið lekur eða er farið að gefa sig

Ekki þarf alltaf nýtt þak. Oft er hægt að stöðva leka og lengja líftíma þaksins með markvissri viðgerð – ef gripið er inn í tímanlega. Við finnum hvar lekur, lögum orsökina og segjum þér hreinskilnislega hvort viðgerð borgar sig eða hvort komið sé að þakskiptum.

Algengustu þakviðgerðir

• Lekaviðgerðir – leki við kjöl, skotrennur, áfellur, þakglugga, kvisti og skorsteina.
• Skipt um einstakar plötur – ryðgaðar eða skemmdar bárujárnsplötur og lausar festingar.
• Nýjar festingar – ryðgaðir naglar og skrúfur eru algeng orsök leka á eldri þökum.
• Kjöljárn, áfellur og flasningar – endurnýjuð þar sem frágangur hefur gefið sig.
• Þakgluggar og ofanljós – þéttingar, áfellur eða nýir Velux-gluggar.
• Rennur og niðurföll – stíflur, leki og nýjar rennur.
• Fúið timbur – borðaklæðning og sperrur lagfærð þar sem raki hefur komist að.

Þakviðgerðir á flötum þökum og þakpappa

Á flötum og lítið hallandi þökum verður leki oftast við samskeyti í þakpappa eða þakdúk, við niðurföll, á köntum og þar sem lagnir og loftræsting fara upp í gegnum þakið. Við gerum við skemmdir í pappa og dúk, endurnýjum frágang við niðurföll og kanta og metum hvort hægt sé að bæta vatnshalla svo vatn standi ekki á þakinu.

Hvernig fer þakviðgerð fram?

1. Skoðun og myndir – þú sendir myndir eða við skoðum þakið og rakamerki innandyra.
2. Orsök fundin – við förum yfir kjöl, skotrennur, áfellur, festingar, þakglugga og niðurföll.
3. Tilboð – þú færð skýrt tilboð í viðgerðina og ráðleggingu um hvort viðgerð eða nýtt þak borgi sig.
4. Viðgerð og frágangur – skemmt efni er fjarlægt, gert við og gengið frá svo þakið sé þétt.

Þakrennur, þakkantar og áfellur eru oft hluti af sama verki – sjá þakrennur og þakkanta og þakglugga.

Viðgerð eða nýtt þak?

Ef lekur á einum stað og járnið er annars heilt dugar oftast viðgerð. Ef lekur víða, járnið er ryðgað í gegn, pappinn ónýtur eða timbrið rakt, borgar sig yfirleitt að skipta um þakið í heild í stað þess að elta leka ár eftir ár. Á þakskiptum veitum við 10 ára ábyrgð.

Lestu líka leki á þaki – orsakir og fyrstu viðbrögð og hvað kostar að skipta um þak.

Dæmi um viðgerðir og endurbætur á þökum

• Klapparstígur 5 og 5a – þak- og gluggaviðgerðir, 13 nýir þakgluggar og ofanljós.
• Víðihlíð 20 – nýtt járn, Velux-gluggar og frágangur við kvisti.
• Gullengi 1 – nýtt þak á fjölbýlishúsi eftir langvarandi leka.
• Kólguvað 7 – flatt þak endurbyggt með nýjum vatnshalla.