Sprungur, frostskemmdir og flagnandi málning hleypa vatni inn í steypuna og skemmdirnar vaxa hratt í íslensku veðurfari. Við tökum að okkur múrviðgerðir og málun utanhúss fyrir húsfélög, heimili og fyrirtæki – allt frá afmörkuðum viðgerðum til heildarviðhalds á fjölbýlishúsum.
Fá tilboð í múrviðgerðirHvað felst í múrviðgerðum?
- Sprunguviðgerðir – sprungur opnaðar, hreinsaðar og fylltar svo vatn komist ekki inn.
- Steypuviðgerðir – laus og skemmd steypa brotin burt og byggð upp að nýju, t.d. á svalagólfum, köntum og sökklum.
- Viðgerðir á svölum og köntum – þar sem vatn og frost vinna mest á.
- Múrhúðun – ný múrhúð þar sem sú gamla hefur losnað.
Sprunguviðgerðir, alkalískemmdir og steining
Múrararnir okkar gera við sprungur og frostskemmdir, brjóta frá lausan múr og steypa í, meðhöndla alkalískemmdir og endursteina veggi. Fyrir málun eru veggir háþrýstiþvegnir og sílanbaðaðir þar sem við á, svo nýja málningin haldist og vatn smjúgi ekki inn í steypuna. Dæmi: Hrísmóar 1 – múrviðgerðir, glerskipti og málun á 11 hæða fjölbýli.
Málun utanhúss
Góð málning ver steypuna og gefur húsinu nýtt líf. Við undirbúum flötinn vel – háþrýstiþvottur, viðgerðir og grunnun þar sem þarf – áður en málað er. Þannig endist málningin lengur og viðhaldið verður minna næstu árin.
Heildarviðhald fyrir húsfélög
Oft er hagkvæmast að taka múrviðgerðir, málun, glerskipti og gluggaskipti í einu verki þegar vinnupallar eða lyftur eru hvort eð er uppi. Dæmi um slíkt verk er Hrísmóar 1 – múrviðgerðir, glerskipti og málun á 11 hæða fjölbýli og Engjasel 85–87 – álklæðning og múrviðgerðir.
Ef veggirnir eru orðnir mjög illa farnir getur klæðning utanhúss verið betri langtímalausn en endurteknar viðgerðir. Við metum það með þér.
