Nýtt hvítt bárujárnsþak á fjölbýlishúsi í Grafarvogi eftir langvarandi leka – um 300 m².
Gullengi 1 er fjölbýlishús í Grafarvogi. Húsfélagið hafði samband vorið 2024 vegna leka og eftir skoðun á staðnum var niðurstaðan sú að skipta þyrfti um þakið í heild.
Gamla járnið og pappinn voru rifin og nýtt aluzink-bárujárn í hvítum lit (RAL 9010) skrúfað niður á nýjan þakpappa. Nýr kjölur, skotrennur og áfellur voru settar upp, níu nýjar þaktúður og nýjar álrennur og niðurföll. Nýja þakið var fullklárað í desember 2024.
Að þakinu loknu var gengið frá innanhúss þar sem eldri leki hafði valdið skemmdum, meðal annars með múrviðgerð á sprungu og málun.
Verkið sýnir vel hvers vegna B&V mælir með heildarendurnýjun frekar en endurteknum lekaviðgerðum þegar þak er komið á tíma: með nýjum pappa, járni og frágangi er orsök lekans fjarlægð í stað þess að elta einstaka lekastaði.
Um verkið
- Staðsetning: Gullengi 1, Reykjavík
- Verktími: lokið í desember 2024
- Verkkaupi: Húsfélag
- Umfang: ca. 300 m² þak
- Staða: Lokið
Verkþættir
- Rif og förgun á gömlu járni og pappa
- Nýtt skrúfað aluzink-bárujárn, hvítt RAL 9010, á nýjan þakpappa
- Kjölur, skotrennur og áfellur
- Níu nýjar þaktúður og nýjar álrennur og niðurföll
- Frágangur innanhúss og múrviðgerð eftir eldri lekaskemmdir
Efni
- Aluzink-bárujárn RAL 9010
- Þakpappi
- Álrennur
