Nýtt bárujárnsþak – aluzink eða litað bárujárn
Bárujárnsþak er algengasta þakið á Íslandi og það þak sem við leggjum oftast. Við skiptum um bárujárnsþök á einbýlishúsum, fjölbýlishúsum, skólum og atvinnuhúsnæði um allt höfuðborgarsvæðið – og höfum lagt yfir 154 þök síðan 2020. Á þakskiptum veitum við 10 ára ábyrgð.
Hvaða bárujárn hentar þínu húsi?
| Efni | Útlit | Kostir | Dæmi úr verkum okkar |
|---|---|---|---|
| Aluzink-bárujárn 0,6 mm | Málmgrátt | Sterkt, tæringarþolið, gott verð – algengasta valið | Rjúpufell (um 2.400 m²), Miðhraun 6 (um 1.200 m²) |
| Litað bárujárn | Hvítt, grátt, svart o.fl. | Verksmiðjuhúð ver járnið, engin málning fyrstu árin | Hjúkrunarheimilið Eir, Gullengi 1 (hvítt), Fróðengi 14–16 (hvítt) |
| Læst klæðning | Slétt, engar sýnilegar festingar | Nútímalegt útlit, hentar kvistum og sérstökum formum | Fannafold 16 |
Nánar um kosti og galla hvers efnis í greininni Bárujárn eða læst klæðning?
Svona leggjum við bárujárnsþak
- Rif og förgun – gamla járnið, pappinn og lekturnar fjarlægð og efnið flokkað.
- Undirlag – borðaklæðning og sperrur skoðaðar; fúið timbur endurnýjað.
- Pappi eða öndunardúkur – vatnsvörnin undir járninu.
- Lektun – oft tvöföld lektugrind svo þakið lofti vel og raki safnist ekki undir járninu.
- Bárujárnið lagt – rétt skörun, þakskrúfur með þéttiskífum, kjöljárn og kúlukjölur.
- Frágangur – áfellur, kantar, rennur, niðurföll, snjógildrur, þakventlar og þakgluggar eftir þörfum.
Frágangurinn ræður endingunni: í íslensku slagveðri lekur þak við kjöl, áfellur og festingar löngu áður en heil plata gefur sig. Þess vegna leggjum við mesta áherslu á hann.
Frítt tilboð
Sendu okkur stutta lýsingu og myndir – við skoðum, mælum og gerum skýrt tilboð. Sími 690 3355.
Ending og viðhald bárujárnsþaks
Vel lagt bárujárnsþak endist í áratugi. Það sem lengir líftímann: góð loftun undir járninu, heilar festingar, hreinar rennur og málning í tíma á ómáluðu járni. Litað bárujárn þarf ekki málningu fyrstu árin. Þegar ryðið er komið í gegn á stórum flötum, festingar farnar að losna víða og pappinn undir ónýtur er komið að þakskiptum – þangað til dugar oft þakviðgerð.
Hvað kostar nýtt bárujárnsþak?
Verðið ræðst af stærð þaksins, halla og lögun, ástandi undirlagsins, efnisvali og aðgengi. Við skoðum þakið, mælum og gerum skýrt tilboð – frítt og án skuldbindingar. Lestu hvað ræður verðinu á þakskiptum.
Bárujárnsþök sem við höfum lagt
- Rjúpufell 42–48 og 25–35 – um 2.400 m² aluzink á tveimur fjölbýlishúsum.
- Hjúkrunarheimilið Eir – um 1.545 m² litað bárujárn, tugir þakglugga.
- Miðhraun 6 – um 1.200 m² aluzink á atvinnuhúsnæði á um 20 vinnudögum.
- Breiðvangur 24–28 – um 1.065 m² aluzink-bára, nýr pappi og rennur.
- Gullengi 1 og Fróðengi 14–16 – hvítt bárujárn á fjölbýlishúsum í Grafarvogi.
- Skógarhjalli 17 og Álfhólsvegur 72 – einbýlishús í Kópavogi.
Sjá öll þakverkin á síðunni Þakskipti og þakviðgerðir.
