Þak- og gluggaviðgerðir á fjölbýlishúsi í miðbænum – nýtt þak, þakgluggar, ofanljós og endurglerjun.
Klapparstígur 5 og 5a er fjölbýlishús í miðbæ Reykjavíkur. Húsfélagið efndi til verðkönnunar í upphafi árs 2025 undir stjórn verkfræðistofu og var samið við Byggingu og Viðhald um þak- og gluggaviðgerðir.
Framkvæmdir hófust í júlí 2025. Um 600 m² af bárujárni, pappa og þakgluggum voru rifin, nýr öndunardúkur lagður á borðaklæðninguna og tvöföld lektugrind sett ofan á. Þakið var klætt nýju hvítu aluzink-bárujárni, settir 13 nýir þakgluggar og sex ofanljós hækkuð og endurnýjuð. Nýjar kantáfellur, þakhattar yfir steyptum göflum, kjöljárn, álrennur með rafhitun, niðurföll og snjógildrur fullkláruðu þakið.
Samhliða voru gluggar hússins lagfærðir: fúnir hlutar skornir úr og nýir sponsaðir í, um 250 m² af gleri endurnýjuð með nýjum glerlistum, gluggakerfi millibyggingar yfirfarið og nýjar álflasningar fræstar inn í útveggi. Lokaúttekt fór fram í lok árs 2025.
Um verkið
- Staðsetning: Klapparstígur 5 og 5a, Reykjavík
- Verktími: júlí–desember 2025
- Verkkaupi: Húsfélag
- Umfang: ca. 600 m² þak og um 250 m² endurglerjun
- Staða: Lokið
Verkþættir
- Rif á bárujárni, pappa og þakgluggum (um 600 m²)
- Nýr öndunardúkur og tvöföld lektugrind (21×70 og 34×70)
- Nýtt 0,6 mm aluzink-bárujárn, hvítt RAL 9010
- 13 nýir þakgluggar og sex ofanljós endurnýjuð og hækkuð
- Nýjar álrennur með rafhitun, niðurföll, snjógildrur og þakhattar
- Gluggaviðgerðir, endurglerjun og nýjar álflasningar við glugga
Efni
- Aluzink-bárujárn 0,6 mm RAL 9010
- Öndunardúkur (SIGA Majcoat)
- Álrennur
- Einangrunargler
