Klæðningar á hús – álklæðning, panill og bárujárn

Góð klæðning gerir tvennt í einu. Hún ver húsið og hún bætir útlitið. Ef klæðning er farin að láta á sjá, eða þú vilt fara í heildar yfirhalningu, þá tökum við að okkur klæðningar utanhúss, allt frá veggklæðningum á afmörkuðum svæðum upp í klæðningu á hús í heild.

Fá Tilboð í Utanhússklæðningar

Klæðningar á hús – utanhússklæðningar fyrir heimili og húsfélög

Við tökum að okkur klæðningar utanhúss, bæði þegar þarf að endurnýja slitna klæðningu og þegar markmiðið er að uppfæra ásýnd hússins. Klæðningar eru mismunandi eftir húsum, hliðum og aðstæðum, þannig að best er að byrja á einföldu mati, hvað er að, hvað á að breyta, og hvað þú vilt fá út úr verkinu.

Dæmi um það sem fellur undir klæðningar:

Utanhússklæðning á húsum
Veggklæðningar á einstaka veggjum eða afmörkuðum svæðum
Klæðning á hús sem hluti af viðhaldi eða útlitsuppfærslu
Skipti á slitnum hlutum og frágangur þar sem klæðning er orðin veikur punktur

Hvenær er tímabært að fara í klæðningu

Það er algengt að fólk bíði aðeins of lengi, af því vandinn byrjar oft sem smáatriði. Ef eitthvað af þessu á við, þá er líklega tímabært að skoða klæðninguna.

Klæðning er farin að fúna, bólgna, springa eða losna
Yfirborð er orðið mjög veðrað og erfitt að halda snyrtilegu
Þú sérð merki um raka, sérstaklega á útsettum hliðum
Þú vilt bæta heildar ásýnd eða gefa húsinu nýtt útlit
Þú ert að fara í aðrar framkvæmdir og vilt klára ytra byrðið í leiðinni
Þú vilt lausn sem er einfaldari í viðhaldi til lengri tíma

Ferlið – frá fyrirspurn að lokafrágangi

Við reynum að hafa þetta einfalt og praktískt, þannig að þú vitir alltaf hvað er verið að gera og hvað kemur næst:

Þú sendir stutta lýsingu á því sem þú vilt gera og myndir ef hægt er
Við förum yfir aðstæður. Stundum dugar myndir og lýsing, stundum þarf vettvangsskoðun
Þú færð tilboð sem útskýrir umfang, forsendur og næstu skref
Við samræmum tímasetningu og aðgengi, svo þetta lendi ekki í endalausu fram og til baka
Framkvæmd með skipulögðu vinnusvæði og frágangi sem passar við verkið
Lokayfirferð og frágangur, þannig að þetta endi ekki hálfklárað

Efni og valkostir í klæðningum

Klæðningar eru ekki ein og sama lausnin fyrir alla. Sumir vilja klassískt útlit, aðrir vilja eitthvað sem krefst minna viðhalds, og stundum er markmiðið einfaldlega að laga það sem er farið að bila.

Algengar klæðningar sem fólk spyr um:

Bárujárn / Aluzink klæðning
Panel klæðning
Álklæðningar og ál panel klæðning
Ýmsar tegundir utanhússklæðningar eftir útliti og viðhaldsþörf

Í framkvæmd er það samt oft frágangurinn sem ræður úrslitum. Horn, samskeyti, vatnsrennsli og að allt sitji rétt. Þar vinnst endingin. Ef efnisval er ekki ákveðið í upphafi, þá er betra að halda því opnu og taka ákvörðun út frá aðstæðum og umfangi þegar tilboðið er gert.

Klæðning á hús – verð og hvað hefur áhrif á kostnað

Margir vilja fá hugmynd um kostnað við klæðningu strax. Það er eðlilegt, en verðið fer eftir umfangi og aðstæðum.

Þættir sem hafa mest áhrif á kostnað:

Stærð og hæð, og hversu auðvelt er að komast að
Hvort þetta sé heildar klæðning á hús eða veggklæðningar á afmörkuðum svæðum
Ástand undirliggjandi flata. Stundum kemur meira í ljós þegar farið er af stað
Efnisval og frágangslausnir
Hvort þarf að gera við eða skipta út slitnum hlutum samhliða

Best er að senda lýsingu og myndir. Þá er hægt að gefa raunhæft mat miðað við þitt hús, ekki bara almenna hugmynd.

Gæði og vinnubrögð

Í klæðningum skipta smáatriðin rosalega miklu máli. Við leggjum því áherslu á fagleg vinnubrögð, skýr samskipti og snyrtilega framkvæmd.

Skýr samskipti og raunhæfur tímarammi
Snyrtileg framkvæmd og frágangur
Innra eftirlit með verkinu á meðan það er unnið
Lausnir sem passa aðstæðum, ekki bara ein leið fyrir allt

Veggklæðningar utanhúss – efni og lausnir

Klæðning á hús ver útveggina fyrir veðri og getur breytt útliti hússins alveg. Við setjum upp allar gerðir klæðninga og veljum lausn með þér eftir húsinu, ástandi veggja og hversu mikið viðhald þú vilt:

Slétt álklæðning – nútímalegt og viðhaldslétt yfirbragð, t.d. á gafla og efstu hæðir fjölbýlishúsa.
Báruál og bárujárn – klassísk og sterk klæðning, einnig sem loftræst klæðning.
Trapisuklæðning – algeng á þakkanta og atvinnuhúsnæði.
Timburklæðning og panelklæðning – lerki, bandsagaður panell eða standandi/liggjandi klæðning. Hlýlegt útlit á einbýli, sumarhús og viðbyggingar.
Plötuklæðningar – t.d. trefjasement- og keramikplötur á loftræst undirkerfi.
Steinklæðning og múrkerfi – einangrað múrkerfi eða steinklæðning utan á eldri steypta veggi.

Loftræst klæðning – hvernig er hún byggð upp?

Í loftræstri klæðningu er útveggurinn einangraður með steinull, sett upp undirkerfi (oft ál) og klæðningin fest á það með loftbili á bak við. Loftbilið þurrkar út raka og veggurinn fær betri einangrun. Áður en klætt er gerum við við sprungur í veggjum, því klæðningar eru aldrei alveg vatnsþéttar.

Dæmi um klæðningarverk

Engjasel 85–87 – um 520 m² slétt álklæðning á fjölbýlishús, ásamt múrviðgerðum.
Trilluvogur – um 3.200 m² af loftræstri báruálsklæðningu á steinull og álundirkerfi, á fjölbýlishús.
Öxlarás 21 – ný utanhússklæðning, undirkerfi og gluggaísetning á einbýlishúsi.

Klæðning á fjölbýlishús fyrir húsfélög

Við tökum að okkur klæðningu á fjölbýlishús fyrir húsfélög, oft eftir verklýsingu og magnskrá óháðs eftirlitsaðila. Við Trilluvog og Kuggavog í Vogabyggð voru útveggir einangraðir með steinull, sett upp álundirkerfi og loftræst báruálsklæðning með 100–150 mm loftbili. Samhliða var gengið frá áláfellum við glugga, hurðir og þakkant, vatnsþétt við steypuskil og gert við sprungur og leka. Sjá verkið.

Á að skipta um glugga líka? Það er oft hagkvæmt að gera það um leið og húsið er klætt – sjá gluggaskipti og ísetningu.

Þarf að gera við múrinn fyrst? Sjá múrviðgerðir og málun.