Nýtt þak á Íþróttahúsinu Digranesi fyrir Kópavogsbæ sumarið 2024 – um 1.940 m² á þremur mánuðum.
Íþróttahúsið Digranesi við Skálaheiði í Kópavogi fékk nýtt þak sumarið 2024. Verkið var boðið út af Kópavogsbæ og unnið undir eftirliti verkfræðistofu, með húsasmíðameistara og byggingarstjóra á vegum fyrirtækisins.
Eldra þakefni, rennur, áfellur og um 3.600 m af gömlum lektum voru rifin og fargað af tæplega 1.940 m² þaki. Lagður var nýr öndunardúkur, krossviðarræmur settar undir nýjar 34×70 lektur og þakið klætt nýju járni. Burðarvirki í þakkanti var endurnýjað, kanturinn klæddur nýrri trapisuklæðningu og settar nýjar áfellur, þakrennur, niðurföll, kjöljárn og 30 nýjar loftunartúður.
Framkvæmdir hófust í maí og var lokauppgjör samþykkt af eftirliti 22. júlí 2024. Í kjölfarið vann fyrirtækið viðbótarverk við þakkant og smíðavinnu fyrir bæinn.
Um verkið
- Staðsetning: Skálaheiði 2, Kópavogur
- Verktími: maí–júlí 2024
- Verkkaupi: Kópavogsbær
- Umfang: ca. 1.940 m² þak
- Staða: Lokið
Verkþættir
- Rif og förgun á eldra þakefni, rennum, áfellum og lektum
- Nýr öndunardúkur, krossviðarræmur undir lektur og lektur 34×70
- Nýtt þakjárn á um 1.940 m²
- Endurnýjun burðarvirkis í þakkanti, trapisuklæðning og áfellur
- Nýjar þakrennur, niðurföll, kjöljárn og 30 loftunartúður
Efni
- Bárujárn
- Öndunardúkur
- Lektur 34×70
- Trapisuklæðning
