Endurnýjun á um 2.085 m² af þaki Setbergsskóla fyrir Hafnarfjarðarbæ – ný uppbygging, bárujárn og rakavarnarlag innanhúss.
Setbergsskóli í Hafnarfirði er steinsteypt skólabygging á tveimur hæðum með tvíhalla sperruþaki, alls um 3.780 m². Sumarið 2024 tók Bygging og Viðhald að sér annan áfanga endurbóta á þakinu eftir opið útboð Hafnarfjarðarbæjar, en í honum voru endurnýjaðir um 2.085 m² eða ríflega helmingur þakflatarins.
Uppbyggingu þaksins var breytt frá því sem áður var: eldra bárujárn, þakpappi, borðaklæðning og þakgluggar voru fjarlægð, loftrásinni lokað og gufuopinn þakdúkur lagður beint á sperrurnar. Ofan á hann kom tvöföld lektun og nýtt bárujárn, auk kjöljárns, snjógildra, nýrra þakrenna og fimm reyklúgna. Bætt var við 50 mm steinull ofan á eldri einangrun og innanhúss var loftaefni rifið og nýtt rakavarnarlag sett upp.
Framkvæmdir hófust í lok maí og unnið var í sátt við skólastarfið í um tvo mánuði, með framvinduuppgjörum samþykktum af eftirliti bæjarins. Lokaframvinda var samþykkt í lok ágúst 2024.
Um verkið
- Staðsetning: Hlíðarberg 2, Hafnarfjörður
- Verktími: maí–ágúst 2024
- Verkkaupi: Hafnarfjarðarbær
- Umfang: ca. 2.085 m² af alls um 3.780 m² þakfleti
- Staða: Lokið
Verkþættir
- Rif og förgun á bárujárni, þakpappa, borðaklæðningu og þakgluggum
- Breytt uppbygging þaks: loftrás lokað og gufuopinn þakdúkur lagður beint á sperrur
- Tvöföld lektun (21×45 og 45×95) og nýtt bárujárn á um 2.085 m²
- 50 mm steinull bætt ofan á eldri einangrun
- Nýjar reyklúgur, þakrennur, kjöljárn og snjógildrur
- Rif á loftaefni og nýtt rakavarnarlag innanhúss
Efni
- Bárujárn
- Gufuopinn þakdúkur (Siga Majcoat 250)
- Lektur 21×45 og 45×95
- Steinull
- Reyklúgur
