Þrjú fjölbýlishús við Hrísmóa í Garðabæ: tvö þök endurnýjuð á 18 dögum og gluggar, múr og málun á 11 hæða húsi.
Bygging og Viðhald hefur unnið að viðhaldi þriggja fjölbýlishúsa við Hrísmóa í Garðabæ.
Vorið og sumarið 2025 var skipt um þök á Hrísmóum 3 og 5, samtals um 600 m², á um 18 dögum. Á Hrísmóum 3 var lagt hvítt aluzink-bárujárn, kjölur og flasningar endurnýjuð og þakkanturinn klæddur nýrri hvítri trapisuklæðningu. Á Hrísmóum 5 var lagt ólitað aluzink-bárujárn, flasningar og kjölur endurnýjuð, tveir Velux-þakgluggar settir í og snjógildrur settar upp.
Hrísmóar 1 er 11 hæða hús með 39 íbúðum. Þar var ráðist í utanhússviðhald eftir útboð og undir eftirliti ráðgjafa. Árið 2025 var skipt um gler og gert við glugga, og sumarið 2026 var norðurhliðin háþrýstiþvegin og gert við sprungur, ryðpunkta, steypujárn og kanta – umfangið reyndist margfalt meira en áætlað var. Í kjölfarið voru viðgerðir filtaðar og grunnaðar, gluggar og svalahurðir slípuð og máluð og útveggir og svalaloft máluð.
Um verkið
- Staðsetning: Hrísmóar 1, 3 og 5, Garðabær
- Verktími: 2025–2026
- Verkkaupi: Húsfélag
- Umfang: Þök Hrísmóa 3 og 5 alls um 600 m²; Hrísmóar 1 er 11 hæða hús með 39 íbúðum
- Staða: Lokið
Verkþættir
- Hrísmóar 3: nýtt hvítt aluzink-bárujárn (um 296 m²) og ný hvít trapisuklæðning á þakkant
- Hrísmóar 5: nýtt ólitað aluzink-bárujárn (um 300 m²), tveir nýir Velux-gluggar og snjógildrur
- Hrísmóar 1: glerskipti og gluggaviðgerðir
- Hrísmóar 1: háþrýstiþvottur og umfangsmiklar múr- og sprunguviðgerðir á norðurhlið
- Hrísmóar 1: gluggar og svalahurðir slípaðir, grunnaðir og málaðir, útveggir og svalaloft máluð
Efni
- Aluzink-bárujárn (hvítt og ólitað)
- Trapisuklæðning
- Velux-þakgluggar
- Viðgerðarmúr
- Einangrunargler
