Léttir veggir, gips og brunaveggir

Léttir innveggir eru burðarás í nánast öllum innanhússframkvæmdum – þeir skipta rýmum, stöðva eld og hljóð og bera innréttingar. Við reisum veggi úr blikkstoðum eða timbri, einangrum með steinull, klæðum með krossvið eða OSB þar sem þarf burð og gifsi að utan, og göngum frá fyrir spörtlun og málun. Í nýbyggingum höfum við þannig reist alla innveggi í matvælavinnslu, lager og skrifstofum – þar á meðal brunaveggi EI60 og veggi í votrýmum.

Fá tilboð í veggi

Gerðir veggja

• Hefðbundnir gipsveggir – blikkstoðir 70–120 mm, steinull og eitt eða tvö lög af gifsi hvoru megin.
• Brunaveggir (EI30 / EI60) – með tvöföldu brunagifsi og þéttingum við loft og lagnir, samkvæmt brunahönnun.
• Hljóðveggir – aðskildar stoðir eða tvöföld grind, þykkari steinull og tvöfalt gifs milli íbúða, skrifstofa og kennslustofa.
• Veggir í votrýmum – rakaþolið gifs eða sementsplötur á bak við flísar í böðum, eldhúsum og þvottahúsum.
• Burðarklæddir veggir – krossviður eða OSB undir gifsi þar sem hengja á upp innréttingar, tæki eða handrið.
• Forveggir og lagnaveggir – fyrir salerni, lagnir og rafmagn.

Frá teikningu að máluðum vegg

Við vinnum eftir arkitekta- og brunateikningum, mælum út veggi, reisum grind, drögum í samráði við rafvirkja og pípara, einangrum, klæðum og göngum frá samskeytum. Ef óskað er sjáum við líka um spörtlun og málun í gegnum samstarfsaðila okkar, svo veggirnir séu tilbúnir til notkunar.

Fyrir hverja?

Aðalverktaka og fyrirtæki í nýbyggingum og breytingum á atvinnuhúsnæði, sveitarfélög í skólum og stofnunum, og heimili sem vilja breyta skipulagi íbúðar, skipta rými eða bæta hljóðvist. Þurfi að opna í steyptan vegg sjáum við um steinsögun og fáum samþykki burðarþolshönnuðar áður.

Verkin okkar innanhúss

• Nýbyggingar fyrir atvinnulíf – innveggir, brunaveggir, burðarloft, gifsloft og hreinlætiskerfisloft í iðnaðar- og skrifstofuhúsnæði, m.a. nýbygging í Mjódd (2026).
• Skólar og stofnanir sveitarfélaga – endurnýjun kerfislofta, veggja og innréttinga í grunnskólum á höfuðborgarsvæðinu, oft heilar álmur í senn, unnið í skólafríum.
• Íbúðir og einbýlishús – heildarendurnýjun íbúða, baðherbergja og eldhúsa, t.d. Bergstaðastræti 33.
• Iðnaðarbil og verslunarrými – breytingar og frágangur, t.d. Lyngás 10.

Fleiri verk eru á síðunni um innanhússverk.