Þak endurnýjað og veggur klæddur bárujárni á atvinnuhúsnæði í Hafnarfirði á tæpum tveimur vikum.
Í byrjun febrúar 2026 tók Bygging og Viðhald að sér að endurnýja þak og hluta klæðningar á atvinnuhúsnæði við Kaplahraun 14 í Hafnarfirði. Verkið var unnið í tímavinnu með fjölmennum vinnuflokki og gekk hratt fyrir sig.
Fyrstu dagana var eldra þakjárn rifið, naglar og hefti hreinsuð, ný borðaklæðning lögð og pappi og þakdúkur settur á, og þakið síðan klætt nýju bárujárni ásamt nýjum þakrennum. Í kjölfarið var farið í vegginn: vindpappi og lektur settar upp og veggurinn klæddur bárujárni, flasningar beygðar og settar upp og ný niðurföll tengd. Einnig var unnið við bita í lofti og klæðning máluð.
Verkið stóð yfir frá 3. til 12. febrúar 2026, þrátt fyrir vetraraðstæður, og skilaði húsinu þéttu þaki og endurnýjaðri útlitsklæðningu.
Um verkið
- Staðsetning: Kaplahraun 14, Hafnarfjörður
- Verktími: febrúar 2026
- Verkkaupi: Fyrirtæki
- Staða: Lokið
Verkþættir
- Rif á eldra þakjárni og hreinsun á nöglum og heftum
- Ný borðaklæðning, pappi og þakdúkur á þak
- Nýtt bárujárn skrúfað á þak
- Nýjar þakrennur og niðurföll
- Veggur klæddur: vindpappi, lektur og bárujárnsklæðning
- Flasningar beygðar og settar upp, bitar í loft og klæðning máluð
Efni
- Bárujárn
- Þakdúkur og pappi
- Borðaklæðning
- Þakrennur og niðurföll frá Límtré Vírneti
