Um 720 m² þak leikskólans Álfaheiðar í Kópavogi endurnýjað sumarið 2024 fyrir Kópavogsbæ.
Sumarið 2024 endurnýjaði Bygging og Viðhald þak leikskólans Álfaheiðar fyrir Kópavogsbæ. Þakið er um 720 m² og skiptist í fjölda flata með kverkum og skotrennum.
Eldra járn, pappi, lektur og ónýt borðaklæðning voru rifin og þar sem skemmdir fundust var einangrun og klæðning endurnýjuð. Lagður var nýr öndunardúkur, undirlektur með þéttiborða og yfirlektur, og loks nýtt ólitað aluzink-bárujárn. Nýtt kjöljárn, skotrennur, áfellur við þakkanta og í kringum lofttúður og loftræsingu voru sett upp ásamt nýjum þakrennum og niðurföllum. Blikksmíði var unnin í samstarfi við sérhæfðan undirverktaka.
Verkið var unnið á meðan á sumarstarfi stóð og var það eitt af nokkrum skólaþökum sem fyrirtækið lauk fyrir sveitarfélög það sumar. Magnskrá var gerð upp í byrjun september og leikskólinn var tilbúinn 5. september 2024.
Um verkið
- Staðsetning: Leikskólinn Álfaheiði, Kópavogur
- Verktími: sumar 2024, lokið í byrjun september 2024
- Verkkaupi: Kópavogsbær
- Umfang: ca. 720 m² þak
- Staða: Lokið
Verkþættir
- Rif og förgun á járni, pappa, borðaklæðningu, lektum og skemmdri einangrun
- Nýr öndunardúkur og tvöföld lektun með þéttiborða
- Nýtt ólitað aluzink-bárujárn á um 720 m²
- Endurnýjun á um 395 m af borðaklæðningu og hluta þakeinangrunar
- Kjöljárn, skotrennur, áfellur, nýjar þakrennur og niðurföll
- Nýjar lofttúður og frágangur við loftræsingu
Efni
- Aluzink-bárujárn
- Öndunardúkur
- Lektur 34×70 og undirlektur með þéttiborða
- Steinull 220 mm
